Countdown : संसद पुनःस्थापना हुन बाँकी समय

सम्बन्धित खबर यहाँ पढ्नुहोस्
https://ntc.net.np/

उत्कृष्ट पुनरागमन पछि बार्सिलोना सेमिफाइनल प्रवेश


उत्कृष्ट पुनरागमन पछि बार्सिलोना सेमिफाइनल प्रवेश

स्पेनिस कप कोप डेल रे अन्तर्गत गए राती भएको खेलमा बार्सिलोनाले उत्कृष्ट पुनरागमन गर्दै जित पारेको छ । ग्रानाडाको घरेलु मैदानमा भएको खेलको अतिरिक्त समयमा बार्सिलोनाले ग्रानाडामाथि  ५-३ गोल अन्तरको सानदार जित हात पारेको हो । जित संगै बार्सिलोना कोप डेल रेको सेमिफाइनलमा प्रवेश गरेको छ ।

प्रतिस्पर्धात्मक बनेको खेलमा सुरुवाती अग्रता ग्रानडाले बनाएको थियो । खेलको ३२औं मिनेटमा केनेडीले गोल गर्दै ग्रानाडालाई १-० को अग्रता दिलाएका थिए भने खेलको ४६ औं मिनेटमा सोल्डाडो गोल गर्दै अग्रता दोब्बर बनाएका थिए । २-० को अग्रता जोगाउन नसक्दा बार्सिलोनाका लागि  खेलको ८७ औं मिनेटमा ग्रिजम्यान र खेलको इन्जुरी समयमा अल्बाले गोल गर्दै खेल बराबरीमा ल्याएका थिए ।

निर्धारित समय बराबरीमा सकिएपछि खेल अतिरिक्त समयमा धकेलिएको थियो । खेलको १०० औं मिनेटमा ग्रीजम्यानले व्यक्तिगत दोस्रो गोल गर्दै बार्सिलोनालाई ३-२ को अग्रता दिलाए । तर बार्साको अग्रता धेरैबेर टिक्न सकेन। राइट ब्याक सर्जिन्हो डेस्टले ग्रानडाका कार्लोस नेभालाई पेनाल्टी क्षेत्रमा फल गरेपछि प्राप्त पेनाल्टीमा गोल गर्दै फेडे भिकोले ग्रानडालाई बराबरी गोल दिलाएका थिए।तर, खेलको १०८ औं मिनेटमा फ्रान्की डी जोङले गोल गर्दै बार्सिलोनालाई ४-३ को अग्रता दिलाए ।

त्यसपछि खेलको ११३ औं मिनेटमा अल्बाले व्यक्तिगत दोस्रो गोल गर्दै बार्सिलोनालाई ५-३ को जित दिलाए ।

1

पछिल्लो २४ घण्टामा ७८ जनामा कोरोना संक्रमण पुष्टि

2

शिक्षकहरु एक जिल्लाबाट अर्को जिल्लामा सरुवा हुन पाउने

3

शेयर बजारमा ८० अंकको पहिरो, कारोबार ८ अर्ब ३५ करोड बढी

4

उकालाेकै गतिमा ओरालाे लाग्दै निफ्राकाे शेयर मूल्य

5

नेपाली क्रिकेट: खेलाडीको रगत र पसिनाको उचित मूल्याङ्कन कहिले हुन्छ ?

6

‘जैस–उल हिन्द’ले लिए अम्बानीको घरबाहिर बरामद विस्फोटक पदार्थसहितको कारको जिम्मा


Share Tweet Send