durbar-times

रेशम चौधरी रिहाइको माग गर्दै माइतीघरमा बसेको धर्नामा गृहमन्त्री


रेशम चौधरी रिहाइको माग गर्दै माइतीघरमा बसेको धर्नामा गृहमन्त्री

काठमाडौं : टीकापुर हत्याकाण्डका मुख्य दोषी एवम् सांसद रेशम चौधरी रिहाइको माग गर्दै माइतीघर मण्डलमा बसेको धर्नामा गृहमन्त्री रामबहादुर थापा ‘बादल’ पुगेका छन् ।

चौधरीको रिहाइका लागि बिहीबार बसेको धर्नामै पुगेर गृहमन्त्री रामबहादुर थापा बादलले सम्बोधन गरेका हुन्।

सरकारले नेत्रविक्रम चन्द विप्लव र छुट्टै राज्य मागसहित आन्दोलनरत सिके राउतलाई मूल धारमा ल्याए पनि पहिचानको लडाइँमा होमिएका चौधरीसहितलाई नछाडेको भन्दै थारु अगुवाहरुले धर्ना दिँदै आएका छन् ।

माइतीघरमा धर्ना दैनिक एक घन्टा हुँदै आएको छ। माग मुद्दा सुनुवाइका लागि थारु अगुवाहरुले प्रधानमन्त्री केपी शर्मा ओली र राष्ट्रपति विद्यादेवी भण्डारीलाई ज्ञापन पत्र बुझाएका छन्।

२०७२ भदौमा कैलालीको टीकापुरमा नाबालकसहित ८ जनाको ज्यान जाने गरी भएको घटनाका मुख्य योजनाकारका रुपमा परिचित छन् रेशम चौधरी । तर थारु समुदायले मुद्दा फिर्ता र दोषी ठहर भइ जेल पुगेकालाई छाड्न मागसहित यही आइतबारदेखि धर्ना दिइरहेका छन्।

1

प्रधानमन्त्री ओलीले बोलाए सर्वदलीय बैठक

2

राजस्थानद्वारा दिल्ली पराजित

3

पारस खड्काले टि-ट्वान्टी श्रृंखला गुमाउने

4

दक्षिण कोरियामा नयाँ प्रधानमन्त्री नियुक्त

5

शिक्षक र विद्यार्थीमा कोरोना देखिए एक साता विद्यालय बन्द गर्न काठमाडौं महानगरको निर्देशन

6

रुरु जलविद्युतको आईपीओ रिज्लट ३ बजेपछि मात्र हेर्न मिल्ने, यसरी हेर्नुहोस् ?


Share Tweet Send