ओली–प्रचण्डबीच बालुवाटारमा वार्ता सुरु


ओली–प्रचण्डबीच बालुवाटारमा वार्ता सुरु

सत्तारुढ नेपाल कम्युनिस्ट पार्टीका दुई अध्यक्ष प्रधानमन्त्री केपी शर्मा ओली र पुष्पकमल दाहाल प्रचण्डबीच बालुवाटारमा छलफल सुरु भएको छ ।

नेकपाका यी दुई अध्यक्ष केही सातायता बारम्बार भेटघाटमा छन् । तर, उनीहरुबीच पछिल्ला असहमतिबारे कुनै निष्कर्ष निस्कन सकेको छैन ।

पछिल्लो समय अमेरिका र बेलायतका लागि नेपाली राजदूत नियुक्तिमा ओलीले पार्टीसँग कुनै छलफल नगरेको आरोप ओलीइतर समूहले लगाउँदै आएको छ । यसअघि नेकपामा चलेको लामो समयको विवादलाई मत्थर बनाउने हेतुले मन्त्रिपरिषद् पनि हेरफेर गर्ने योजनामा यी दुई अध्यक्ष सहमत भएका थिए ।

तर, मन्त्रिपरिषद् हेरफेरबारे पनि यी दुई अध्यक्ष अन्तिम सहमतिमा पुगेका छैनन् ।

आजको बैठकमा यी विषयमा छलफल हुनसक्ने प्रचण्डनिकट एक नेताले फरकधारलाई बताएका छन् ।


Share Tweet Send
प्रतिकृया दिनुहोस्
Loading...