durbar-times

लिभरपुल रियल मड्रिडसँग पराजित


लिभरपुल रियल मड्रिडसँग पराजित

यूईएफए च्याम्पियन्स लिगको क्वार्टरफाइनलको पहिलो लेगमा इंग्लिस क्लब लिभरपुल रियल मड्रिडसँग पराजित भएको छ।

मगंलबार राति अल्फ्रेडो डि स्टेफानोमा भएको खेलमा घरेलु टोली रियलले लिभरपुललाई ३–१ गोल अन्तरले हराएको हो।

रियलको जितमा भिनिसियस जुनियरले दुई तथा मार्को एसेन्सियोले एक गोल गरे। लिभरपुलका मोहम्मद सलाहले एक गोल फर्काए।

खेलको २७औं मिनेटमा भिनिसियसले गोल गर्दै रियललाई १–० ले अग्रता दिलाएका थिए। ३६औं मिनेटमा मार्को एसेन्सियाले गोल गर्दै रियलको अग्रता दोब्बर पारे। ५१औं मिनेटमा मोहम्मद सलाहले गोल गर्दै खेललाई २–१ को अवस्थामा ल्याएका थिए। ६५औं मिनेटमा भिनिसियस जुनियरले व्यक्तिगत दोस्रो तथा टोलीका लागि तेस्रो गोल गर्दै रियलको जित निश्चित गरे।

जितसँगै रियलको अन्तिम ४ मा पुग्ने सम्भावना बलियो भएको छ। दोस्रो लेगमा पनि रियलले यही लयलाई निरन्तरता दिए सेमिफाइनलमा स्थान बनाउनेछ। दोस्रो लेग १५ अप्रिलमा एनफिल्डमा हुनेछ।

च्याम्पियन्स लिग फुटबल अन्तर्गत क्वाटरफाइनलको पहिलो लेगमा इंग्लिस क्लब म्यानचेस्टर सिटीले जित निकालेको छ ।

मंगलबार राति भएको खेलमा सिटीले जर्मन क्लब बोरुसिया डर्टमण्डलाई २–१ गोल अन्तरले पराजित गरेको हो । सिटीलाई जित दिलाउन केभिन डी ब्रुएन र फिल फोडेनले एक\एक गोल गरे । डर्टमण्डका मार्को रिउसले एक गोल फर्काए ।

यस जितसँगै सिटीले सेमिफाइनल पुग्ने सम्भावना बलियो बनाएको छ । डर्टमण्डको मैदानमा हुने दोस्रो लेग अप्रिल १४ मा हुनेछ ।

1

प्रधानमन्त्री ओलीले बोलाए सर्वदलीय बैठक

2

राजस्थानद्वारा दिल्ली पराजित

3

पारस खड्काले टि-ट्वान्टी श्रृंखला गुमाउने

4

दक्षिण कोरियामा नयाँ प्रधानमन्त्री नियुक्त

5

शिक्षक र विद्यार्थीमा कोरोना देखिए एक साता विद्यालय बन्द गर्न काठमाडौं महानगरको निर्देशन

6

रुरु जलविद्युतको आईपीओ रिज्लट ३ बजेपछि मात्र हेर्न मिल्ने, यसरी हेर्नुहोस् ?


Share Tweet Send