durbar-times

म्यानचेष्टर सिटी र लिभरपुल विजयी, चेल्सीको लजास्पद हार


म्यानचेष्टर सिटी र लिभरपुल विजयी, चेल्सीको लजास्पद हार

म्यानचेष्टर सिटी र लिभरपुल प्रिमियर लिगको पछिल्ला खेलमा विजयी भएका छन् । शनिबार राति भएको खेलमा लिग लिडर म्यानचेष्टर सिटीले तेस्रो स्थानको लेस्टर सिटीलाई २-० ले पराजित गर्दे उपाधि होड मजबुत बनाएको छ ।

अब लिगमा ७ खेल खेल्न बाँकी रहेको सिटीले चार खेल जितेमा उपाधि जित्नेछ । लेस्टरको मैदानमा भएको खेलमा सिटीले दुवै गोल दोस्रो हाफमा गरेको थियो । बेन्जामिन मेन्डीले ५८औं र गाब्रीएल जेससले ७४औं मिनेटमा गोल गरे ।

जितपछि सिटीले ३१ खेलबाट ७४ अंक जोडेको छ । लेस्टरको ३० खेलबाट ५६ अंक छ ।

यस्तै डिएगो जोटाको दुई गोल मद्धतमा लिभरपुलले आर्सनललाई उसैको मैदानमा ३-० ले पराजित गरेको छ । घरेलु मानमा आर्सनलले लिभरपुललाई पहिलो हाफमा गोल रहित बराबरीमा रोकेको थियो । तर दोस्रो हाफमा लिभरपुलले ३ गोल गर्‍यो ।

लिभरपुलको लागि जोटाले ६४औं र ८२औं मिनेटमा गोल गरे । मोहम्मद सालाहले ६८औं मिनेटमा गोल गरे । जितपछि ३० खेलबाट ४९ अंक जोड्दै लिभरपुल पाँचौ स्थानमा उक्लेको छ । समान खेलबाट ४२ अंकसहित आर्सनल नवौं स्थानमा छ ।

हिजोनै भएको अर्को खेलमा चेल्सी वेस्ट ब्रोमसँग ५–२ ले पराजित भएको छ। सुरुवाती अग्रता जोगाउन नसक्दा १० खेलाडीमा सीमित चेल्सी पराजित भयो ।

वेस्ट ब्रोमको जितमा म्याथ्यु पेरेइरा र रोबिन्सनले २–२ र डियाग्नीले १ गोल गरे ।
चेल्सीका लागि क्रिस्टियन पुलिसिच र मासन माउन्टले एक एक गोल गरे ।

हारसँगै चेल्सीले ३० खेलमा ५१ अंक सहित चौथो स्थानमा छ ।

1

काम नगरी थकाइ किन थकाइ लाग्छ ? थाहा पाउनुहाेस कारण र समाधान

2

आइपिएलमा आज चेन्नइ र दिल्ली भिड्दै

3

एल क्लासिकाे भीडन्त आज , कसले मार्ला बाजी ? यस्ताे छ अनुमानित टीम

4

यी हुन् याे साता शेयर बजारमा सबैभन्दा धेरै कमाउने र गुमाउने कम्पनी

5

शनिबार र आइतबार बैंक खुला राख्न राष्ट्र बैंककाे निर्देशन

6

३ दलको बैठक सकियो, कुनै निष्कर्ष निस्किएन


Share Tweet Send