http://bit.ly/bajajdurbartimes

मेराे शेयरकाे एपमा नयाँ सुविधा, एपबाटै आईपीओ भर्न सकिने


मेराे शेयरकाे एपमा नयाँ सुविधा, एपबाटै आईपीओ भर्न सकिने

सीडीएस एन्ड क्लियरिङ लिमिटेडले मेरो शेयरको एपमा सीआस्वा सेवा थप गरेकाे छ । सिडीएसले हिजाे (मंसिर २४ गते, बुधबार) राति एपमा सीआस्वा सेवा थप गरेको हो ।

एपमा याे सेवा थपिएसँगै लगानीकर्ताले अब एपबाटै आइपिओमा आवेदन दिन सक्ने भएका छन् । यसअघि एपबाट आइपिओमा आवेदन दिने सुविधा थिएन । लगानीकर्ताले मेरो शेयरको वेबसाइटबाट नै आइपिओमा आवेदन दिँदै आएका थिए ।

प्ले स्टोरमा गएर मेरो शेयरको एप अपडेट गरेपछि मात्र एपमा सीआस्वा सेवा थप भएको देखिन्छ ।

याे सेवाबाट लगानीकर्ताले अब मंसिर २९ गतेबाट निष्कासन हुन लागेकाे प्रभु लाइफ इन्स्याेरेन्स कम्पनी लिमिटेडकाे आइपिओ एपबाट नै मज्जाले भर्न सक्ने भएका छन् ।

सीडीएससीले गत भदौमा ‘मेरो शेयर’ मोबाइल एप सार्वजनिक गरेको थियो । एप सार्वजनिक भए पनि आईपीओ भर्ने सुविधा भने रहेको थिएन ।

तर एपमार्फत लगानीकर्ताहरुले आफ्नो शेयर र त्यसको दैनिक मूल्य भने हेर्ने पाउने व्यवस्था गरिएको थियो । सीडीएससीले गुगल प्ले स्टोरमा परीक्षणका लागि बेटा भर्सनमा यो एप उपलब्ध गराइरहेको छ ।

अब एपमा ‘माई आस्वा’ सुविधा थपिएपछि लगानीकर्ताहरुले एपबाटै आईपीओ भर्नसक्ने सुविधा दिइएको सीडीएससीको भनाइ छ । सुरुमा यो एपमा ‘माई आस्वा’ सुविधा रहेको थिएन ।

अहिले पूँजी बजारमा अनलाइन प्रयोगकर्ता बढेका छन् । यो सुविधासँगै अब लगानीकर्ताहरुले ल्यापटप वा कम्प्युटर नखोलेर सोझै आफ्नै स्मार्टफोनबाट आईपीओ भर्न सक्ने भएका छन् ।

मोबाइल एपबाटै आईपीओ भर्न सकिने भएपछि अब सीडीएससीको ‘मेरो शेयर’ पोर्टलमा चाप घट्ने अनुमान गरिएको छ । यसअघि ठूलो संख्या आईपीओ भर्नेहरुले एकैपटक साइट खोल्दा आईपीओ भर्न समस्या हुँदै आएको थियो ।

अब त्यस किसिमको समस्या समाधान हुने सीडीएससीले आशा व्यक्त गरेको छ । मेरो शेयरको एन्ड्रोइड बेटा भर्सनमा रहेको एप डाउनलोड गर्न यहाँ क्लिक गर्नुहोस् ।

1

के हाे नागरिक स्टक डिलर ? कसरी गर्छ काम ? शेयर बजारलाइ कसरी स्थिर बनाउँछ ?

2

विप्लवकाे बन्द, कहाँ के भयाे ?

3

कार्यकारी अधिकारसहित एकदिनका लागि मुख्यमन्त्री बन्दै सृष्टि

4

यी हुन् नेपालकाे महिला फुटबल खेल्न आएका अफ्रिकन खेलाडी

5

रोनाल्डोले विश्व कीर्तिमान नराखेको दाबी

6

पीएम कपः एपिएफ र सुदूरपश्चिम ब्याटिङ गर्दै


Share Tweet Send