durbar-times

नेपाल संस्कृत विश्वविद्यालयमा ३५ वर्षपछि पाठ्यक्रम परिमार्जन


नेपाल संस्कृत विश्वविद्यालयमा ३५ वर्षपछि पाठ्यक्रम परिमार्जन

नेपालकै दाेश्राे ठुलाे विश्वविद्यालय तथा दाेश्राे पुरानाे विश्वविद्यालय नेपाल संस्कृत विश्वविद्यालयमा ३५ वर्षपछि पहिलाेपटक पाठ्यक्रम परिमार्जन भएकाे छ ।

स्थापना भएकाे समयदेखि हालसम्म एउटै पाठ्यक्रम र पाठ्यपुस्तक अध्यापन गराइँदै आएकामा अहिले भने पाठ्यक्रम परिमार्जन भएकाे हाे ।

देशभरी १६ भन्दा बढी आंगिक क्याम्पसहरू रहेकाे नेपाल संस्कृत विश्वविद्यालयकाे केन्द्रिय कार्यालय दाङ्गकाे बिजाैरीमा रहेकाे छ । २०४३ सालदेखि हालसम्म उही पाठ्यक्रम र पाठ्यपुस्त अध्यापन गराइँदा विश्वविद्यालयबाट उत्पादित जनशक्तिकाे बजारसँग प्रतिस्पर्धा गर्न सक्ने क्षमतामा कमी आएकाे थियाे ।

वर्तमान उपकुलपति यादवप्रकाश लामिछानेका अनुसार अघिल्ला पदाधिकारीहरूले पाठ्यक्रम परिमार्जन समिति बनाएकाे र आफूले त्यसलाई चलायमान गराउने प्रयास गरेका कारण अहिले विश्वविद्यालयमा पाठ्यक्रम परिमार्जन गर्न सम्भव भएकाे बताएका छन् ।

शैक्षिक सत्र २०७८ देखि शास्त्री तहमा नयाँ पाठ्यक्रम लागु हुने र क्रमशः अन्य तहमा पनि लागु हुँदै जाने उनले बताए । पाठ्यक्रम परिमार्जनसँगै तीनवर्षे शास्त्री तहलाई चार वर्षे बनाइएकाे पनि उनले दरबार टाइम्सलाई जानकारी दिए ।

नयाँ पाठ्यक्रम लागु गरेसँगै नयाँ पाठ्यपुस्तक सबै विद्यार्थीहरूकाे हातहातमा पुर्याउनुपर्ने बाध्यता अहिले विश्वविद्यालयलाई रहेकाे छ । थाेरै विद्यार्थी भएकाले पाठ्यपुस्तक छपाउँदा महङ्गाे पर्न आउने देखिएपनि विश्वविद्यालय आफ्नाे कर्तव्यबाट नभाग्ने उपकुलपति लामिछानेले बताएका हुन् ।

1

पार्टीहरु फुटेको भन्दा जुटेको राम्रो होः कमरेड प्रचण्ड

2

८ हजार ८४२ संक्रमित थपिए, २१४ जनाको मृत्यु

3

भारतमा कोभिडबाट मृत्यु हुनेको संख्या घटेन, एकै दिन चार हजार बढीको मृत्यु

4

देउवासँग भेटेलगत्तै प्रचण्डले बोलाए स्थायी समिति बैठक

5

१० अंकले बढेको नेप्सेमा यी हुन सबैभन्दा बढी कमाउने र गुमाउने कम्पनी

6

प्रधानमन्त्री ओली र नेपालको वार्ता सुरु


Share Tweet Send