Countdown : संसद पुनःस्थापना हुन बाँकी समय

सम्बन्धित खबर यहाँ पढ्नुहोस्
https://ntc.net.np/

फिल्म पाइरेसीकाे नयाँ जालाे 'टेलिग्राम'


फिल्म पाइरेसीकाे नयाँ जालाे 'टेलिग्राम'

नेपालमा मात्र हैन विश्व चलचित्र बजारमा नै चलचित्र पाइरेसीकाे समस्या समाधान हुन सकिरहेकाे छैन । त्यसमाथी नेपालमा त नियमन र कारबाहीकाे दायरा मेलमिलापमा गएर टुङ्गिने हुनाले पनि याे क्रम निरन्तर चलिरहेकाे छ ।

निर्माताकाे पैसा र निर्देशकका साथै कलाकारहरूकाे अथक मेहेनतलाइ बेवास्ता गर्दै चलचित्रलाइ अवैधानिक तरिकाले सार्वजनिक गरिरहँदा निर्माता तथा निर्देशकहरू अन्यायमा परिरहेका छन् ।

पछिल्लाे समय नेपाली चलचित्र घामड शेरे र आमा लगायतका अन्य चलचित्रहरू डिजिटल प्ल्याटफर्ममा आउनु अगाडी नै छ्याप्छ्याप्ति भैरहेका छन् ।

म्यासेजिङ प्ल्याटफर्म टेलिग्रामकाे सहायतामा चलचित्रहरू आदानप्रदान भैरहेकाे देख्न सकिन्छ । यस्ताे लाग्छ कि नेपालि चलचित्र पाइरेसी गर्नेहरूकाे गिराेह नै टेलिग्राममा सक्रिय भैरहेकाे छ । नेपाली चलचित्रकाे च्यानल नै बनाएर चलचित्रहरू आदान प्रदान गरिरहेकाे पाइन्छ ।

टेलिग्रामकाे नेपाली न्यु मुभि नामक च्यानलमार्फत घामड शेरे चलचित्र शेयर भैरहेकाे छ ।

यदाकदा युट्युबमा नै पाइरेसी भैरहेकाे नेपाली चलचित्रमा सजिलै ट्रयाक हुन थालेपछि गिराेह टेलिग्रामतर्फ आकर्षित हुन थालेकाे पाइन्छ । साइबर सुरक्षाका दृष्टिकाेणले सुरक्षित र ठूलाे मात्राकाे डाटा पनि टेलिग्राममार्फत सहजै ट्रान्सफर हुने भएकाले पनि याे माध्यम अपनाएकाे पाइन्छ ।

विश्व चलचित्र बजारकाे ५२ बिलियन अमेरिकन डलर बराबरकाे मूल्य विभिन्न पाइरेसीका माध्यमबाट खेर गैरहेकाे रिपाेर्ट डिजिटल टिभि रिसर्चले देखाएकाे छ ।

फिल्म पाइरेसि गर्नु कानूनी अपराध हाे । प्रतिलिपि अधिकार संरक्षण एैन २०५९ अनुसार अनधिकृत प्रसारण गर्नु गैरकानूनी मानिन्छ ।

के हाे टेलिग्राम?

टेलिग्राम एक म्यासेजिङ प्ल्याटफर्म हाे । यसमा व्यक्तिगत तथा सामूहिक समूह बनाएर पनि च्याट गर्न सकिन्छ । अन्य भन्दा याे प्ल्याटफर्ममा ठूला डाटाहरू ( २ जिबीसम्म ) ट्रान्सफर गर्न सकिने भएकाले पनि याे चलचित्र शेयरकाे माध्यम बन्ने गरेकाे छ ।

डाटा सेक्युरिटि र एण्ड टु एण्ड इन्क्रीप्ट फिचरले गर्दा पनि याे सर्वसाधारणमा लाेकप्रिय बन्दै गैरहेकाे छ ।

सन् २०१३ मा लन्च भएकाे टेलिग्राम एप्लिकेशन सन् २०२० काे सबैभन्दा धेरै डाउनलाेड गरिएका एप्लिकेशनकाे लिस्टमा ८ नम्बरमा पर्छ । ५०० मिलियन भन्दा धेरैपटक डाउनलाेड भैसकेकाे डाटाबाट पनि यसकाे लाेकप्रियता मापन गर्न सकिन्छ ।

1

डा.बाबुराम भट्टराईको छिट्टै शल्यक्रिया नगरे क्यान्सरको सिकार बन्न सक्ने

2

आज रियल म्याड्रिड र रियल सोसिडाड भिड्दै

3

बढ्याे सुनकाे भाउ

4

तीनवटा नाकाहुँदै ६० हजार टन मल नेपाल भित्रियाे

5

क्लाेज आउटबाट ११ कराेड जरिवाना असुल, कसरी परिन्छ क्लाेज आउटमा ?

6

आजको राशिफल


Share Tweet Send