durbar-times

प्रचण्ड–माधव समूहद्वारा थप अन्दोलनका कार्यक्रम सार्वजनिक,काठमाडौंमा विशाल प्रदर्शन गर्ने


प्रचण्ड–माधव समूहद्वारा थप अन्दोलनका कार्यक्रम सार्वजनिक,काठमाडौंमा विशाल प्रदर्शन गर्ने

काठमाडौं । नेपाल कम्युनिस्ट पार्टी (नेकपा)को प्रचण्ड–माधव समूहले संसद विघटनविरुद्ध थप आन्दोलनका कार्यक्रम घोषणा गरेको छ ।

प्रचण्ड माधव समूहले माघ २८ गते काठमाडौंमा विरोध सभा गर्ने भएको छ। पार्टी कार्यालय पेरिसडाँडामा पत्रकार सम्मेलन गर्दै उक्त समूहले आन्दोलनका थप कार्यक्रम सार्वजनिक गरेको हो।

आइतबार बसेको प्रचण्ड–माधव नेकपाको स्थायी कमिटी बैठकले संसद विघटनविरुद्ध संघर्षका कार्यक्रम जारी राख्ने निर्णय गरेको हो ।

नेकपाको प्रचण्ड–माधव समूहका प्रवक्ता एवम् केन्द्रीय संघर्ष समितिका संयोजक नारायणकाजी श्रेष्ठले सोमबार विज्ञप्ती जारी गर्दै माघ १३ गतेदेखि २८ गतेसम्मका आन्दोलन तथा संघर्षका कार्यक्रम सार्वजनिक गरेका हुन् ।

पार्टीको केन्द्रीय संघर्ष समितले माघ १३ गते काठमाडौंमा सिठ्ठी जुलुस, माघ १४ देखि २१ सम्म माइतीघर मण्डलमा संविधान सभा सदस्य, संघीय सांसद तथा प्रदेश सभा सदस्यसहित धर्ना कार्यक्रम गर्ने भएको छ।

माघ १६ गते जुलुससहित सहिद श्रद्धाञ्जली कार्यक्रम गर्ने र त्यसाका लागि १ बजे शान्तिबाटिकाबाट लैनचौर प्रस्थान गरी विरोध प्रदर्शन र सभा हुने तय भएको छ।

त्यसैगरी माघ १५ गते - बुटवल, १६ गते - विराटनगर माघ १७ गते धनगढीमा बिरोध सभा हुने तय भएको छ।

यस्तै, माघ २२ गते काठमाडौंमा युवा र्‍याली, माघ २६ गते देशव्यापी मसाल जुलुस निकाल्ने तय भएको छ।

1

काम नगरी थकाइ किन थकाइ लाग्छ ? थाहा पाउनुहाेस कारण र समाधान

2

आइपिएलमा आज चेन्नइ र दिल्ली भिड्दै

3

एल क्लासिकाे भीडन्त आज , कसले मार्ला बाजी ? यस्ताे छ अनुमानित टीम

4

यी हुन् याे साता शेयर बजारमा सबैभन्दा धेरै कमाउने र गुमाउने कम्पनी

5

शनिबार र आइतबार बैंक खुला राख्न राष्ट्र बैंककाे निर्देशन

6

३ दलको बैठक सकियो, कुनै निष्कर्ष निस्किएन


Share Tweet Send