durbar-times

रोनाल्डोको गोलमा युभेन्टसको जित


रोनाल्डोको गोलमा युभेन्टसको जित

काठमाडौं। क्रिस्टियानो रोनाल्डोले जारी सिजनमा २३औं गोल गरेको दिन युभेन्टसले एएस रोमालाई २-० ले पराजित गरेको छ। जितसँगै युभेन्टस इटालियन सिरी ‘ए’ को तेस्रो स्थानमा उक्लिएको छ।

अल्भारो मोराटाको पासमा रोनाल्डोले १३औं मिनेटमा गरेको गोलबाट युभेन्टसले अग्रता लिएको थियो। रोनाल्डोले यसअघि तीन खेलमा गोल गर्न असफल भएका थिए। जारी सिजन रोनाल्डोको यो २३औं गोल हो।

६९औं मिनेटमा रोजर इबानेजले आत्मघाती गोल गरेपछि युभेन्टसको जित पक्का भएको हो। युभेन्टसको यो लगातार सातौं जित हो। सिरी ‘ए’ मा यो लगातार तेस्रो जित हो।

जितसँगै २० खेलबाट ४२ अंक जोडेको युभेन्टस तेस्रो स्थानमा उक्लिएको छ। जुन शीर्ष स्थानको इन्टर मिलानभन्दा पाँच अंकले पछाडि हो। तथापि, युभेन्टसले एक खेल कम खेलेको छ। २१ खेलबाट ४० अंक जोडेको रोमा चौथो स्थानमा झरेको छ।

1

प्रधानमन्त्री ओलीले बोलाए सर्वदलीय बैठक

2

राजस्थानद्वारा दिल्ली पराजित

3

पारस खड्काले टि-ट्वान्टी श्रृंखला गुमाउने

4

दक्षिण कोरियामा नयाँ प्रधानमन्त्री नियुक्त

5

शिक्षक र विद्यार्थीमा कोरोना देखिए एक साता विद्यालय बन्द गर्न काठमाडौं महानगरको निर्देशन

6

रुरु जलविद्युतको आईपीओ रिज्लट ३ बजेपछि मात्र हेर्न मिल्ने, यसरी हेर्नुहोस् ?


Share Tweet Send