http://bit.ly/bajajdurbartimes

तीन प्रहरीको गोली हानी हत्या ,एक घाइते


तीन प्रहरीको गोली हानी हत्या ,एक घाइते

फ्रान्समा तीन जना प्रहरीको गोली हानी हत्या भएको छ।

समाचार संस्था एएफपीका अनुसार बुधबार मध्य फ्रान्स पुय-डे-डोममा तीन जना प्रहरीको हत्या भएको हो।
गोलीले लागेर अर्का एक जना प्रहरी घाइते भएका छन्।

प्रहरीहरूमाथि ४८ वर्षीय एक पुरूषले गोली प्रहार गरेका हुन्।

घरेलु हिंसाको भएको भन्दै एक महिलाले प्रहरीलाई खबर गरेकी थिइन्। उनको उद्धार गर्न जाँदा ती पुरूषले प्रहरीमाथि गोली  हानेको समाचारमा उल्लेख छ।

बन्दुकधारी पुरूषले पहिले दुई जना प्रहरीमाथि गोली चलाएका थिए। जसमध्ये एक जनाले ज्यान गुमाएका थिए भने अर्का घाइते भएका थिए।

त्यसपछि ती पुरूषले आफ्नो घर जलाएका थिए। आक्रमणपछि अन्य दुई जना प्रहरी त्यँहा पुगेका थिए।

क्लेरमन्ट फेरान्डको अभियोजन कार्यालयका अनुसार पछि गएका दुई जना प्रहरीको पनि गोली हानी हत्या भएको हो।

अधिकारीहरूका अनुसार हिंसामा परेकी महिलाको उद्धार भएको छ। कम्तीमा सात जना उच्च तहका प्रहरी घटनास्थलमा पुगेका छन्। ती खतरनाक व्यक्तिलाई मध्यनजर गर्दै निकै सावधानी अपनाइएको छ।

बन्दुकधारी व्यक्ति पहिले पनि बालबालिकासम्बन्धी मुद्दामा हिरासत बसिसकेको प्रहरीको भनाइ छ।

अग्निनियन्त्रकहरूले घरमा उनले लगाएको आगोलाई नियन्त्रणमा लिने कोशिस गरिरहेका छन्।

1

कोरोनाकालपछिको पहिलो ब्लकबस्टर फिल्म 'मास्टर', कति कमायो?

2

पछिल्लो २४ घण्टामा थप ३४८ जनामा कोरोना संक्रमण पुष्टि

3

भारतले नेपाललाई दियो १० लाख डोज कोरोना खोप,बिहीबार नै काठमाडौं आइपुग्ने

4

सेयर बजारमा फेरि देखियो सुधार

5

प्रतिनिधिसभा विघटनको विरोधमा युवाद्वारा काठमाडौंमा ‘नमुना संसद्’ आयोजना

6

गर्भमा बच्चा ९ महिना रहँदा के गर्ने के नगर्ने जन्नुहोस्


Share Tweet Send