durbar-times

त्रिदेशीय सिरिजको लागि २० सदस्यीय राष्ट्रिय टिमको घोषणा


त्रिदेशीय सिरिजको लागि २० सदस्यीय राष्ट्रिय टिमको घोषणा

नेपाल क्रिकेट संघ (क्यान)ले नेपाल, नेदरल्यान्ड्स र मलेसिया सम्मिलित त्रिकोणात्मक क्रिकेट शृंखलाका लागि २० खेलाडीलाई बन्द प्रशिक्षणमा बोलाएको छ ।

आउँदो वैशाख ४ गतेदेखि काठमाडौंमा हुने क्रिकेट शृंखलाका लागि खेलाडीहरुलाई बन्द प्रशिक्षणमा बोलाइएको हो । त्रिवि क्रिकेट मैदानमा हुने त्रिदेशीय सिरिजको लागि क्यानले छोटो समयको लागि मात्रै खेलाडीलाई बन्द प्रशिक्षणमा राख्‍ने भएको छ। चैत २४ गतेदेखि मात्रै खेलाडीलाई बन्द प्रशिक्षणमा राखिने क्यानले जानकारी दिएको छ।

बन्द प्रशिक्षणका लागि टिममा बोलाइएको खेलाडीहरुमा कप्तान ज्ञानेन्द्र मल्लसँगै पूर्वकप्तान पारस खड्का, दीपेन्द्रसिंह ऐरी, विनोद भण्डारी, सोमपाल कामी, करण केसी, सन्दीप लामिछाने, अविनाश बोहरा, आरिफ शेख, आशिफ शेख, कुशल भुर्तेल, कुशल मल्ल, लोकेश बम रहेका छन्। त्यस्तै, कमलसिंह ऐरी, सुशन भारी, साहब आलम, सन्दीप जोरा, विक्रम सोब, पवन सर्राफ र ललितनारायण राजवंशी पनी टिममा परेका छन्।

सिरिज 'डबल राउण्ड रोविन'मा सञ्‍चालन हुनेछ। अर्थात् एक देशले अर्को देशसँग दुई खेल खेल्नेछ। शीर्ष दुई देश फाइनलमा प्रतिस्पर्धा गर्ने छन्।

केही दिनअघि मात्रै मुख्य प्रशिक्षकको जिम्मा पाएको डेभ वाटमोरको प्रशिक्षणमा नेपालले पहिलो अन्तर्राष्ट्रिय खेल खेल्न लागेको हो।

1

काम नगरी थकाइ किन थकाइ लाग्छ ? थाहा पाउनुहाेस कारण र समाधान

2

आइपिएलमा आज चेन्नइ र दिल्ली भिड्दै

3

एल क्लासिकाे भीडन्त आज , कसले मार्ला बाजी ? यस्ताे छ अनुमानित टीम

4

यी हुन् याे साता शेयर बजारमा सबैभन्दा धेरै कमाउने र गुमाउने कम्पनी

5

शनिबार र आइतबार बैंक खुला राख्न राष्ट्र बैंककाे निर्देशन

6

३ दलको बैठक सकियो, कुनै निष्कर्ष निस्किएन


Share Tweet Send