durbar-times

विप्लव र नेपाल सरकारबीच छुटेकाे चाैथाे बुँदा


विप्लव र नेपाल सरकारबीच छुटेकाे चाैथाे बुँदा

नेपाल सरकार र भूमिगत अवस्थामा रहेकाे प्रतिबन्धित विप्लव पक्षबीच हिजाे राष्ट्रिय सभागृहमा भएकाे सहमतिपत्रमा हस्ताक्षर कार्यक्रममा विप्लव पक्ष हतियार छाडेर मूलधारकाे राजनीतिमा आउन सहमत भएकाे छ । तर तीनबुँदै सहमतिपत्रमा हस्ताक्षर गरिएकाे भनेर सार्वजनिक भएका विप्लव र नेपाल सरकारबीच चाैथाे बुँदा पनि हुनुपर्ने तर छुटाइएकाे भन्दै विभिन्न व्यक्तिहरूले असन्तुष्टी व्यक्त गरेका छन् ।

चाैथाे बुँदा अर्थात विप्लव पक्षले प्रयाेग गरेका र गर्दै आएका हतियारहरूकाे बारेमा कहिँ कतै उल्लेख गरिएकाे छैन । ती हतियारहरू कहाँ छन् ? तिनीहरूकाे स्वामीत्व कसले लिने ? विप्लवसँग कति लडाकुहरू थिए ? अब तिनीहरूकाे व्यवस्थापन कसरी गरिन्छ ? केही उल्लेख गरिएकाे छैन । यतिसम्म कि अन्य कुराहरू प्रकृयागत ढंगले अगाडी बढाइनेछ भनेर समेत उल्लेख गरिएकाे छैन ।

प्रतिनिधिसभा विघटन र त्यसकाे बदरपश्चात प्रधानमन्त्री केपी शर्मा ओलीकाे कुर्सी हल्लिएकाे सन्दर्भमा अकस्मात विप्लव पक्षसँग साझेदारी गर्नुपरेकाे तर्कपनि कतिपयकाे छ । लगातार वार्ता असफल भइरहेका बेला सरकारी पक्षले के त्यस्ताे प्रस्ताव गर्याे जसकाे कारण विप्लव पक्ष अकस्मात सहमत हुन पुग्याे ? भन्ने पनि तर्कहरू सुनिन थालेका छन् ।

भूमिगत हुँदा प्रयाेगमा ल्याएका र ल्याउन तयारी भैरहेका हतियारहरूकाे बारेमा खाेजिनीति नगरे भाेली फेरी ती हतियारहरू प्रयाेग हुँदैनन् भन्ने के छ ? विप्लवले सहमति गर्दैमा विप्लव पक्ष नै सबै सहमतिमा आए भन्ने के छ ? उनीसँग कति जमात थिए भन्ने कसले खाेजेकाे छ ? हिजाे प्रचण्ड राजनीतिमा आइसक्दा पनि विप्लव  जंगलमै रहेकाेजस्तै अहिलेपनि उनका कति कमाण्डरहरू जंगल स्वतः छाड्छन् भन्ने आधार के छ ? के सरकारले ती हतियार र अन्य व्यक्तिहरूकाे नालीबेली पत्ता लगाउनुपर्दैन ? कि फेरी भाेली सरकारसँग असन्तुष्ट भएर जंगल छिर्न विप्लवलाइ स्वतन्त्रता प्रदान गर्न सरकार तयार भएकाे हाे ?

1

काम नगरी थकाइ किन थकाइ लाग्छ ? थाहा पाउनुहाेस कारण र समाधान

2

आइपिएलमा आज चेन्नइ र दिल्ली भिड्दै

3

एल क्लासिकाे भीडन्त आज , कसले मार्ला बाजी ? यस्ताे छ अनुमानित टीम

4

यी हुन् याे साता शेयर बजारमा सबैभन्दा धेरै कमाउने र गुमाउने कम्पनी

5

शनिबार र आइतबार बैंक खुला राख्न राष्ट्र बैंककाे निर्देशन

6

३ दलको बैठक सकियो, कुनै निष्कर्ष निस्किएन


Share Tweet Send